DIVI THOMAE AQUINATIS

 

DOCTORIS ANGELICI

 

TOTIUS

 

SUMMAE THEOLOGICAE

 

CONCLUSIONES

 

–––––––––––––––––––––––

 

 

PRIMAE PARTIS

 

SUMMAE THEOLOGICAE

 

CONCLUSIONES

 

~~~~~~~~~~~~~~~~~~~~

 

QUAESTIO LXVI

 

De ordine creationis ad distinctionem

 

IN 4 ARTICULOS DIVISA

 

1. – Utrum informitas materiae tempore praecesserit formationem ipsius.

 

Co. – Informitas materiae non praecessit duratione ejus formationem aut distinctionem, sed natura; praecessit autem informitas materiae ejus formationem, id est pulchritudinem et ornatum.

 

2. – Utrum una sit materia informis omnium corporalium.

 

Co. – Non est una omnium corporum corruptibilium et incorruptibilium materia, nisi secundum analogiam.

 

3. – Utrum coelum empyreum sit concreatum materiae informi.

 

Co. – Conveniens fuit in principio mundi corpus totaliter lucidum fuisse creatum, ubi inchoaretur beatorum gloria secundum corpus, quod coelum empyreum est appellatum.

 

4. – Utrum tempus sit concreatum materiae informi.

 

Co. – In prima mundi origine fuit tempus informi materiae concreatum.

 

–––––––––––

 

 

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), p. 41.

 
© Ultra montes (www.ultramontes.pl)
Cracovia MMIX, Kraków 2009

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: