DIVI THOMAE AQUINATIS

 

DOCTORIS ANGELICI

 

TOTIUS

 

SUMMAE THEOLOGICAE

 

CONCLUSIONES

 

–––––––––––––––––––––––

 

 

PRIMAE SECUNDAE

 

SUMMAE THEOLOGICAE

 

CONCLUSIONES

 

~~~~~~~~~~~~~~~~~~~~

 

QUAESTIO LXIV

 

De medio virtututum

 

IN 4 ARTICULOS DIVISA

 

1. – Utrum virtutes morales sint in medio.

 

Co. – Quia virtutis moralis bonitas ex conformitate ad regulam rationis aestimari debet, a qua recedere non contingit nisi vel per excessum vel per defectum, recte dicitur quaevis moralis virtus in medio seu mediocritate consistere.

 

2. – Utrum medium virtutis moralis sit medium rei vel rationis.

 

Co. – Medium in quo moralis virtus consistere dicitur non est medium rationis quasi in actu rationis consistens ipsumque perficiens, sed est in re secundum quamdam conformitatem ad rationem rectam.

 

3. – Utrum virtutes intellectuales consistant in medio.

 

Co. – Non solum virtus moralis sed et intellectualis suam habet mensuram, et ita per conformitatem ad ipsam accipitur in ipsa medium; unde in medio consistere dicitur.

 

4. – Utrum virtutes theologicae consistant in medio.

 

Co. – Non per se, sed quasi per accidens, ex parte nostra videlicet, virtutes theologicae in medio consistere dicuntur.

 

–––––––––––

 

 

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), pp. 116-117.

 

© Ultra montes (www.ultramontes.pl)
Cracovia MMXVII, Kraków 2017

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: