DIVI THOMAE AQUINATIS

DOCTORIS ANGELICI

TOTIUS

SUMMAE THEOLOGICAE

CONCLUSIONES

–––––––––––––––––––––––

PRIMAE SECUNDAE

SUMMAE THEOLOGICAE

CONCLUSIONES

~~~~~~~~~~~~~~~~~~~~

QUAESTIO LXII

De virtututibus theologicis

IN 4 ARTICULOS DIVISA

1. – Utrum sint aliquae virtutes theologicae.

Co. – Praeter morales virtutes, quibus homo juvari potest ad naturalem finem consequendum, superaddendae sunt illi divinitus virtutes per quas ad finem supernaturalem ordinetur, quae theologicae sunt appellatae.

2. – Utrum virtutes theologicae distinguantur ab intellectualibus et moralibus.

Co. – Virtutes theologicae distinguuntur specie a virtutibus moralibus et intellectualibus quod harum objectum humanam non excedit rationem.

3. – Utrum convenienter fides, spes, et charitas ponantur virtutes theologicae.

Co. – Tres sunt theologicae virtutes, quibus homo secundum intellectum et voluntatem sequi suam supernaturalem beatitudinem potest: fides videlicet, spes et charitas.

4. – Utrum fides sit prior spe, et spes charitate.

Co. – Tametsi ordine perfectionis charitas, quae omnium virtutum forma est ac radix, prior sit spe et fide, attamen ordine generationis fides spem, et spes charitatem antecedit.

–––––––––––

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), p. 115.

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: