DIVI THOMAE AQUINATIS

 

DOCTORIS ANGELICI

 

TOTIUS

 

SUMMAE THEOLOGICAE

 

CONCLUSIONES

 

–––––––––––––––––––––––

 

 

PRIMAE SECUNDAE

 

SUMMAE THEOLOGICAE

 

CONCLUSIONES

 

~~~~~~~~~~~~~~~~~~~~

 

QUAESTIO LXXVIII

 

De causa peccati, quae est malitia

 

IN 4 ARTICULOS DIVISA

 

1. – Utrum aliquis peccet ex certa malitia.

 

Co. – Dicuntur homines ex certa malitia peccare quando ex certa scientia malum eligunt.

 

2. – Utrum quicumque peccat ex habitu, peccet ex certa malitia.

 

Co. – Cum habitus sit confirmata et quasi naturalis ipsius voluntatis ad malum conversio, secundum quam voluntati conforme est malum eligere, peccantes ex habitu peccare ex certa malitia est manifestum.

 

3. – Utrum ille qui peccat ex certa malitia peccet ex habitu.

 

Co. – Tum ipsorum angelorum tum primus primi hominis lapsus palam demonstrant non semper eos qui ex certa malitia peccant, etiam ex habitu peccare.

 

4. – Utrum ille qui peccat ex certa malitia gravius peccet quam qui ex passione.

 

Peccantes ex malitia, cum ipsum eorum peccatum sit maxime voluntarium ac diuturnius, et in deteriori sint dispositione quam peccantes ex passione, gravius quoque his peccare dicuntur.

 

–––––––––––

 

 

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), p. 128.

 

© Ultra montes (www.ultramontes.pl)
Cracovia MMXVIII, Kraków 2018

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: