DIVI THOMAE AQUINATIS

 

DOCTORIS ANGELICI

 

TOTIUS

 

SUMMAE THEOLOGICAE

 

CONCLUSIONES

 

–––––––––––––––––––––––

 

 

PRIMAE PARTIS

 

SUMMAE THEOLOGICAE

 

CONCLUSIONES

 

~~~~~~~~~~~~~~~~~~~~

 

QUAESTIO XXI

 

De justitia et misericordia Dei

 

IN 4 ARTICULOS DIVISA

 

1. – Utrum in Deo sit justitia.

 

Co. – Cum omnia nostra ex Deo sint, nec quisquam quippiam dederit pro quo sibi a Deo retribuatur, jure in ipso justitia commutativa non est, sed distributiva, qua singulis quod sibi ad sui complementum spectat tribuere dicitur, ut inde universi ordo servetur.

 

2. – Utrum justitia Dei sit veritas.

 

Co. – Justitia in Deo reperta convenienter veritas nominatur, secundum quam res intellectui conformantur.

 

3. – Utrum misericordia competat Deo.

 

Co. – Cum de aliorum miseria tristari minime Deo conveniat, sed magis eam repellere, misericordia non secundum passionis affectum, sed effectum, maxime ei convenire dicitur.

 

4. – Utrum in omnibus operibus Dei sit misericordia et justitia.

 

Co. – Cum in cunctis Dei operibus quod sibi et creaturae debetur nullo prorsus modo a Deo praetermitti oporteat, et debitum omne in aliquid ex divina bonitate collatum reducatur, necesse est in quovis illius opere justitiam et misericordiam inveniri.

 

–––––––––––

 

 

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), p. 16.

 
© Ultra montes (www.ultramontes.pl)
Cracovia MMVIII, Kraków 2008

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: