DIVI THOMAE AQUINATIS

 

DOCTORIS ANGELICI

 

TOTIUS

 

SUMMAE THEOLOGICAE

 

CONCLUSIONES

 

–––––––––––––––––––––––

 

 

PRIMAE PARTIS

 

SUMMAE THEOLOGICAE

 

CONCLUSIONES

 

~~~~~~~~~~~~~~~~~~~~

 

QUAESTIO XLI

 

De personis in comparatione ad actus notionales

 

IN 6 ARTICULOS DIVISA

 

1. – Utrum actus notionales sint attribuendi personis.

 

Co. – Actus notionales propter ordinem originis convenienter attribuuntur divinis personis.

 

2. – Utrum actus notionales sint voluntarii.

 

Co. – Actus notionales nonnisi concomitanter voluntarii esse dicuntur.

 

3. – Utrum actus notionales sint de aliquo.

 

Co. – Filius Dei proprie et vere Filius non ex nihilo sed ex tota substantia Patris genitus cum sit, actus notionales de aliquo necessario sunt.

 

4. – Utrum in divinis sit potentia respectu actuum notionalium.

 

Co. – Cum in divinis sint actus notionales, potentiam quoque ibi horum actuum ponere oportet: ut in Patre potentiam generandi Filium, in Patre et in Filio spirandi Spiritum sanctum potentiam.

 

5. – Utrum potentia generandi significet relationem et non essentiam.

 

Co. – Potentia generandi principaliter divinam significat essentiam et in recto, paternitatem vero ac relationem nonnisi in obliquo.

 

6. – Utrum actus notionalis ad plures personas terminari possit.

 

Co. – In divinis unus tantum est Pater, unus Filius, unus Spiritus sanctus.

 

–––––––––––

 

 

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), p. 27.

 
© Ultra montes (www.ultramontes.pl)
Cracovia MMVIII, Kraków 2008

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: