DIVI THOMAE AQUINATIS

 

DOCTORIS ANGELICI

 

TOTIUS

 

SUMMAE THEOLOGICAE

 

CONCLUSIONES

 

–––––––––––––––––––––––

 

 

PRIMAE PARTIS

 

SUMMAE THEOLOGICAE

 

CONCLUSIONES

 

~~~~~~~~~~~~~~~~~~~~

 

QUAESTIO VI

 

De bonitate Dei

 

IN 4 ARTICULOS DIVISA

 

1. – Utrum esse bonum Deo conveniat.

 

Co. – Cum Deus omnium sit efficiens causa, et maxime expetendus, ipsum bonum esse necesse est.

 

2. – Utrum Deus sit summum bonum.

 

Co. – Cum bonum sit in Deo sicut in prima causa omnium, non univoca sed aequivoca, et excellentissimo modo bonum in Deo esse, et ipsum Deum summum esse bonum consequitur.

 

3. – Utrum esse bonum per essentiam sit proprium Dei.

 

Co. – Cum Deus solus absolutam perfectionem habeat, cujus esse est sua essentia, eique omnia essentialiter conveniant, et omnium rerum sit ultimus finis, ipse solus per essentiam bonus est.

 

4. – Utrum omnia sint bona bonitate divina.

 

Co. – Omnia sunt bona di­vina bonitate extrinsece et causaliter, bonitatibus vero propriis formaliter.

 

–––––––––––

 

 

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), pp. 4-5.

 
© Ultra montes (www.ultramontes.pl)
Cracovia MMVIII, Kraków 2008

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: