DIVI THOMAE AQUINATIS

 

DOCTORIS ANGELICI

 

TOTIUS

 

SUMMAE THEOLOGICAE

 

CONCLUSIONES

 

–––––––––––––––––––––––

 

 

PRIMAE PARTIS

 

SUMMAE THEOLOGICAE

 

CONCLUSIONES

 

~~~~~~~~~~~~~~~~~~~~

 

QUAESTIO LXIV

 

De poena daemonum

 

IN 4 ARTICULOS DIVISA

 

1. – Utrum intellectus daemonis sit obtenebratus per privationem cognitionis omnis veritatis.

 

Co. – Cognitio naturalis in angelis peccantibus non est ablata vel diminuta; gratuita vero speculativa quorumdam secretorum Dei est diminuta, sed gratuita qua ferebantur in Dei amorem est totaliter ablata.

 

2. – Utrum voluntas daemonum sit obstinata in malo.

 

Co. – Quia hoc est angelis casus quod hominibus mors, angeli boni divinae justitiae adhaerentes confirmati sunt in bono, angeli vero mali et daemones obstinati remanserunt in malo.

 

3. – Utrum dolor sit in daemonibus.

 

Co. – Dolor, non ut passio quaedam sed ut simplex voluntatis actus, in daemonibus est, prout multa quae sunt esse nollent, et quae non sunt esse vellent.

 

4. – Utrum aer iste sit locus poenalis daemonum.

 

Co. – Angelis malis duplex poenalis convenit locus: infernus pro ipsorum culpa, aer iste caliginosus usque ad diem judicii ad bonorum exercitium.

 

–––––––––––

 

 

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), p. 40.

 
© Ultra montes (www.ultramontes.pl)
Cracovia MMIX, Kraków 2009

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: