DIVI THOMAE AQUINATIS

 

DOCTORIS ANGELICI

 

TOTIUS

 

SUMMAE THEOLOGICAE

 

CONCLUSIONES

 

–––––––––––––––––––––––

 

 

PRIMAE PARTIS

 

SUMMAE THEOLOGICAE

 

CONCLUSIONES

 

~~~~~~~~~~~~~~~~~~~~

 

QUAESTIO LXXIII

 

De iis quae pertinent ad septimum diem

 

IN 3 ARTICULOS DIVISA

 

1. – Utrum completio divinorum operum debeat septimo diei adscribi.

 

Co. – Completio divinorum operum, quoad naturalem eorum perfectionem et universi totius integritatem, congrue septimo diei adscribitur.

 

2. – Utrum Deus septima die requievit ab omni opere suo.

 

Co. – Requievit Deus die septima ab omni opere, in quantum cessavit a novis creaturis condendis, et quia post opera in seipso requievit, sibi sufficiens, et seipso beatus, suumque desiderium implens.

 

3. – Utrum benedictio et sanctificatio debeatur diei septimae.

 

Co. – Congruit ut in die septimo benediceret Deus omnibus a se conditis creaturis, et diem illum sanctificaret.

 

–––––––––––

 

 

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), pp. 43-44.

 
© Ultra montes (www.ultramontes.pl)
Cracovia MMIX, Kraków 2009

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: