DIVI THOMAE AQUINATIS

 

DOCTORIS ANGELICI

 

TOTIUS

 

SUMMAE THEOLOGICAE

 

CONCLUSIONES

 

–––––––––––––––––––––––

 

 

PRIMAE PARTIS

 

SUMMAE THEOLOGICAE

 

CONCLUSIONES

 

~~~~~~~~~~~~~~~~~~~~

 

QUAESTIO LXXX

 

De potentiis appetitivis in communi

 

IN 2 ARTICULOS DIVISA

 

1. – Utrum appetitus sit aliqua specialis animae potentia.

 

Co. – Quoniam in quibus forma altiori modo existit etiam inclinatio superior invenitur, necesse est in cognitionem habentibus, quae formam altiori modo habent, etiam vis appetitiva supra modum appetitus naturalis.

 

2. – Utrum appetitus sensitivus et intellectivus sint diversae potentiae.

 

Co. – Cum illud quod intellectu apprehenditur diversi sit generis ab eo quod a sensu, necesse est appetitum sensitivum et intellectivum ad diversas potentias pertinere.

 

–––––––––––

 

 

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), pp. 49-50.

 
© Ultra montes (www.ultramontes.pl)
Cracovia MMIX, Kraków 2009

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: